Hy sobat dewata,
Kalian pasti pernah kan di suruh buat drama berbahasa
Bali sama guru Bahasa Balinya, baik itu sekedar teks drama maupun langsung
dipentaskan berkelompok dikelas ataupun pada kegiatan semester-an. Nah maka
dari itu, dewata mau nge-share teks drama berbahasa bali nih sama kalian.
Silakan ya dibaca semoga dapat menginspirasi untuk melahirkan karya-karya
lainnya.
Asal – Usul Desa Cicang
Sedek dina anu, ade petani di desa ane konden ngelah adan megarapan di
carike ajake dadue sambilange matuturan
Ojar :
Beh adi kene kebus gumine, pipis sing ngelah, ngalih gaen keweh, ape kal makan
jani. Cobak rage sugih, ngabe mobil mewah, jek mapan gati be hidupe.
Ijal :
Meh, ci de lebian menghayal, enggal pragatang tumbegane pang enggal ngidaang
mule padi.
Ojar :
Nah buin kesep, kebus kene gumine ngidih malu yehe, bedak gati icang
Ijal :
Ne de telange (Sambilange ngenjuang yeh mewadah caratan),
sing memodal gati megae
Ojar :
Nah the kanggoang ngelah timpal tuara (Sahase nyuangin
caratane laut nyeret yehe ento)
Ijal : Icang lakar membon malu di beten
dikubune, kebus gati asane.
Ojar :
Nah, icang kal milu masi membon.
Ijal :
Caratane de kutange ditu, amah kuluk nyen.
Ojar :
Meh sing ade ape kuluk ngamah caratan.
Ijal :
Ade, to Men kuluk dajan sanggahe.
Ojar :
Bah ngewalek ci.
Ring
dinane ento, gumine panes gati, rikala tengai tepet, Ojar lan Ijal mesayuban di
kubune sambilange kipas-kipas adi campilne. Nanging tanpa sadar, ade toris
ajake dadue maekin petanine ajake dadue ento
Thomas : Do you know Aling-Aling Waterfall?
Ojar :
Ape kakul? O.. ne liu ade dini pak, to di carike ane tumbeg tyang tuni ento (Sambilange nujuhang carike)
James :
No no, I want to go to Aling-Aling Waterfall
Ijal :
Ape kompor? Dini sing ade kompor pak, kemu dipeken ngalih kompor, bek gati ade
pak
Saget makesiab I Ojar
ningalin paningalan torise sane mewarne pelung kadenange panak nage tekening
petanine ajake dadue ento
Ojar :
Jal, to tingalin peningalan jelemane to.
Ijal : Kenape emangne peningalan
jelemane to?
Ojar : To peningalane mewarna pelung.
Ijal :
Mih saje, dadong icange ngoraang nyen anak mepeningalan pelung to panak naga,
demen ngamah jeleme
Ojar :
Oo… Kakin icange ngoraang keto masi.
Ijal : Men engkenang jani jelemane
ene?
Ojar : Tampah mai
Ijal : Buii, enggalan irage nyen
amahe
Ojar : Nah lamun keto mai melaib
sekonden irange amahe (Sahase malaib ajake dadue)
Lantas ditu I Qjar ajake Ijal malaib pati kaplug, sing
ningalin ape, kanti nabrak Pan Wayan
Wayan :
Aduh (Pan Wayan ngusap gidatne ane mekaplug)
Ojar : Ampure Yan (Sambilange nyakupang lima)
Wayan : Ade ape ne? Ngudyang malaib care
uber sampi buduh keto?
Ijal :
To Yan, ade panak nage di carik icange
Ojar : Oo,,, ajake dadue panak
nagane ento
Wayan :
Meh de lebian mecande, ade ape ne seken-seken?
Ijal : Ow Yan, ade nage di carike.
Wayan : Meh, seken teh? 2016 ade panak
nage?
Ojar : Seken mai atohine amen sing
ngugu
Wayan : Nah cobak mai tujuhang tongos
nagane ento
Ijal : Nah icang sing milu kemu,
nyanan amahe nyen
Wayan : Nah lamun amahe pang jak telu
amahe ( Sambilange ngedeng limane Ijal)
Laut Pan Wayan ajake tetelu kemu ke
carike ngalih torise ane orahange nage ento
Ijal :
To ape Yan (sambilange nujuhang torise ento)
Wayan : Encen, jelemane dadue ene?
Ojar : Oo,, to be nagane ane koraang
icang, to tingalin je peningalane mewarne pelung Yan
Ijal : Dadong icange ngoraang nyen
jeleme peningalane mewarne pelung anak panak nage Yan.
Wayan :
Beh lengeh gati, ne toris adane.
Mr. what are you doing here?
Thomas :
I want to go to Aling-Aling Waterfall, do you know where the Aling-Aling
Waterfall?
Wayan : Yes, I know Mr.
Ojar : Yan, torise ento adi nakonang
kompor, lakar meli?
Wayan : Tusing je kompor orange
Ijal : Men ape Yan?
Wayan : Waterfall
Ojar : Ape to Yan?
Wayan : To air terjune disamping umah
icange, air terjun anak waterfall bahasa inggrisne
Ijal : Oo, kadenang lakar ngalih
kakul ajak icang
Sesubane ento Pan Wayan ngatehang
torise ento ajake tetelu ke umahne Pak Made lakar ngidih surat ijin kunjungan
Wayan : Swastyastu
Made : Swastyastu, wenten napi Pak
Wayan?
Wayan : Ne bli, torise ene lakar ke air
terjun kone
Made : Men ne Ojar ajake Ijal ape
alihe mai?
Ojar : Ne bareng ngatohin torise ke
air terjun
Made : Oo nah, antyang malu jep
Pan Made ajake Men Ketut lantas
ketengah nyemak surat ijin lan minuman. Disubane mesu Pan Made ngabe kertas
ijin alembar, ajake Men Ketut ngabe arak acaratan ajak jaje kukus.
Made :
Ne surat ijine yan, cobak malu tingalin be lengkap to ( Sambilange
ngenjuhang surat)
Ketut : Ne ajeng malu jajene Yan, ne pade
minumne kanggoang tuah arak bali kelas 1
Wayan :
Nggih suksma tut.
Ketut :
To tanjenin anake torise jaje, pedalem ye suud mekebus dicarike busan
Wayan : Mr. you want to drink arak?
Thomas : Nggih, thank you
Ojar :
Ooo,,, adi bise base bali torise ene?
Thomas : Ow, I nak be mekelo idup in the
Bali, be bise bedik-bedik (sambilange nyiup arake ento)
Ijal : Men icang sing ketanjen bli
(Sambilange kenyir kenyir)
Ketut : Ne jal, de bes lebian etegemeng
wak menyame
Ditu lantas ajake pepitu memunyah
sambilange kedek kedek
James :
Thomas, you and me will live in this village together
Thomas : Yes, you and me will live together
in this village.
Made : Wayan, ape to sambatange torise
adi misi yumi yumi?
Wayan :
Oo, kene bli yen you ento artine ci, yen me ento artine cang, you and me artine
ci jak cang
Made : Oo, keto yan, yoo-me, ci-cang,
yen keto desane ene adanin desa Ciang dogen setuju?
Mekejang : Setuju (nyawab mebarengan)
Sedek dinane kanti jani desane ento
kadanin desa Cicang
*TAMAT*
Nah sekian dulu ya sobat Dewata, semoga bermanfaat